JACOB LE THLAWSUAH
Seem 32:24-31
A thu ih zir ding: Pathian in mi menmen ihsin thil hleihluat le mangbangza a tuah ṭheu.
Thuanthu:
“Bawipa in lo thlawsuah seh=God Bless You” an ti mi hi AD 594 hrawngah St. Gregory the Great hi rak hmang hmaisa lam a si awm an ti. Hahthio ih an hman ṭheu mi kha.
Hebrew ih Baruch (Barak= lighting) cu Gen 1:28 multiply, Gen 2:3 Cawlhni a tlawsuah nak 2nk a si ih, Khukbil ti a sawh khih. Judah pawl thlacamnak hmuahhmuah deuhthaw an telh ( Shema ) siar lo. Cun, an ei, an in, rim an hnim le cangvaihnak le ziangkim ah thlawsuah an pe. Thlawsuah hi a petu le pekmi/dawngtu a sawh veve thei To Bless and be blessed hi Pathian le milai pehtlaihawknak le milai le milai pehtlaih awknak ah an hmang. Thlawsuah hi lian lam tahnak a si lo, Pathian hmaisa kanmah ten kan famkim or a tlamtling lo ti lang tirtu a si. Pathian le milai karlak ih kannih in Pathian kan thlawsuah ti mi cu a cang thei maw? Pathian in kanmah ah in beisei mi a um lo, Amah thawn zawmawk le pehtlaihawk hi a hrilmi a si. In duhdawtih in hawl hmaisa ringring. Kan hnen ih Amah a um hi kan thlawsuah pi cu a si.
Pekmi maw Petu saw nan duh? Petu cu kan hril cio ko. A pek mi hi Amah petu theih lo cun uansuang le porhawknak ah a suak ṭheu. Milai kan si hrih si ti uh law.
Thlawsuah kan ti hi pung/ ṭhang ti ai a si. Pathian kan thlawsuah a si le in umpitnak kan sungah a ṭhang. Amen. Kan nunah a ṭhatnak a lang tir tam ṭheu.
Gen 1:28 Adam le Eve a thlawsuah
Gen 2:3 ah Cawlhni a thlawsuah
Gen 9 ah Noah a thlawsuah
Gen 12 ah Abraham a thlawsuah
Gen 26 ah Isaack ih nupi ding hmuh ah Pathian a thlawsuah.